Ботир Аҳмедов WBA чемпионлик камари учун даъвогарлик жангида рингга чиқади

Биринчи яримўрта вазн (63,5 кг)да жанг қилувчи 31 ёшли ўзбекистонлик боксчи Ботир Аҳмедов (9-2, 8КО) навбатдаги жанги бўйича тафсилотларни Olamsport.com сайтига маълум қилди.

Унга кўра, Ботир Аҳмедов келгуси йил февраль ойида WBA чемпионлик камари учун даъвогарлик жангида рингга чиқади. Рақиб номи ҳозирча маълум эмас.

Маълумот учун, Ботир Аҳмедов сўнгги бор 21 август куни Флоридада ташкил этилган бокс оқшоми доирасида WBA камари учун доминиканлик Альберто Пуелльога қарши рингга чиқиб, очколар ҳисобига (115:113, 111:117, 111:117) мағлуб бўлган эди.