Бразилия 9 карра Копа Америка ғолиби!

Учрашувда ҳисоб 15-дақиқада Габриэл Жезуснинг узатмасидан сўнг «пентакампеонлар» форварди Эвертон томонидан очилди. Кейин Паоло Герреро пенальтинидан унумли фойдаланиб, ўртадаги фарқни тиклади. 

Биринчи бўлимга қўшиб берилган иккинчи дақиқада эса Жезус дарвозани ишғол этиб, мувозанатни яна ўз жамоаси томонга оғдирди. Кейинги бўлимнинг ўрталарида тиниб-тинчимас Жезус перулик футболчига қўполлик ишлатгани учун иккинчи сариқ карточкани олиб, майдондан четлатилди.

Учрашув тугашига оз фурсат қолганида эса Ришарлисон 11 метрлик нуқтадан рақиб дарвозасини аниқ нишонга олиб, ўйиндаги якуний ҳисобни белгилади. 

Шу тариқа, бразилияликлар ўз тарихида 9-маротаба қитъа биринчилигида зафар қучишди. Перу эса учинчи бор финалга чиқиб, илк марта мағлубиятга учради.