26 янв 19:17
Янгиликлар

Дзюдо

Бразилиялик беш карра жаҳон чемпиони дзюдочиларимизга мастер-класс кўрсатди ФОТОРЕПОРТАЖ

Жиу-житсу яккакураши бўйича беш карра жаҳон чемпиони, дзюдо, муайтай ва ММА бўйича халқаро тоифадаги спорт устаси Лаерссио Д`Лима терма жамоамиз дзюдочиларига партерда ишлаш бўйича мастер-класс, яъни маҳорат сабоқлари ўтказди.

Сир эмас, айрим дзюдочиларимизда партерда ишлаш бўйича муаммолар йўқ эмас. Лаерссио айнан шу камчиликларни бартараф этиш йўлида дзюдочиларимизга ёрдам беради. Ундаги бой тажриба илк машғулотдаёқ кўзга ташланди. Терма жамоа аъзолари катта қизиқиш билан унинг сабоқларини қабул қилишди.

Маълумот учун, Лаерссио Д`Лима жисмоний тарбия бўйича илмий даражага эга бўлиб, спортчиларнинг юқори самарали спорт физиологияси ва режалаштириш бўйича АҚШда аспирантура бўлимида таҳсил олган.