01 янв 09:22
Янгиликлар
Теннис
Брисбен турнири бошланди, Истомин эртага кортга чиқади
Австралиянинг Брисбен шаҳрида 2018-йилги мавсумнинг илк турнири старт олди.
Мамлакатимизнинг биринчи рақамли теннисчиси Денис Истомин ҳам айнан ушбу турнирда ўз имкониятини синводан ўтказади. Брисбендаги турнирнинг мукофот жамғармаси 469,910 АҚШ долларини ташкил қилади.
Ҳамюртимиз эртага, 2 январь куни илк давра учрашувида кортга чиқади. Унинг рақиби мусобақада еттинчи рақам остида сараланган босниялик Дамир Жумхур бўлади.
Маълумот учун, теннисчилар шу кунгача икки бор тўқнаш келишган. Ушбу ўйинларнинг ҳар иккисида ҳам Жумхурнинг қўли баланд келган. 25 ёшли босниялик теннисчи дунё рейтингида 30-ўринни эгаллаб турибди. 31 ёшли ҳамюртимиз эса 63-поғонадан жой олган.
Ҳавола :
Манба : olamsport.com
Фикрлар