Брок Леснар фаолиятини якунлаганини эълон қилди

"Мен бугун ушбу интервьюни бериш ва бутун дунёга фаолиятимни якунлаётганимни маълум қилиш учун келдим. Барчага катта раҳмат айтмоқчиман. Шанба куни мен учун жуда ҳиссиётларга бой кун бўлди. Бу бироз ғалати эди, чунки... менинг юрагим... Оба Феми мени WrestleMania’да рингга улоқтирганида, мен: "Мен буни қайта бошдан кечира олмайман", деб ўйладим. Шу ҳафта мен ҳаммаси тугаганини англадим. Мен якунладим", — деди Леснар "The Pat McAfee Show" YouTube каналида.

Ўзининг сўнгги жангида Леснар WWE SummerSlam шоусининг асосий тўқнашувида Оба Фемига қарши рингга чиқди. Жанг ёпиқ катак ичида бўлиб ўтди. Брок Феми билан бўлган жангда иккинчи бор мағлубиятга учради.

Бу биринчи марта баҳорда WrestleMania’да содир бўлганди. Ўшанда Брок рингда ўз экипировкасини қолдириб кетган ва бу унинг рестлингдан кетиши деб қабул қилинганди, бироқ кейинчалик у қайтиб, яна иккита жанг ўтказди.