"Бруклин" 50 000 доллар жаримага тортилди

"Бруклин" жамоаси Миллий баскетбол ассоциациясининг "Мунтазам" чемпионати доирасида "Нью-Йорк" клубини қабул қилди. Мураккаб кечган учрашувда "Нетс" 110:107 ҳисобида ғалаба қозонди.

"Бруклин" ҳимоячиси Кайри Ирвинг жамоасининг кийиниш хонасига кирган. Бу эса Нью-Йорк шаҳри қоидаларига зид иш ҳисобланади. Вакцинация олмаган шахслар учун бу тақиқланган. Баскетболчи жамоаси ўйинини фақат паркет ташқарисидан кузатиш ҳуқуқига эга эди. 

Учрашув якунланганидан сўнг Кайри жамоаси билан бирга кийиниш хонасига йўл олган. Бунинг натижасида энди "Бруклин Нетс" 50 000 доллар миқдорида жарима тўлайди.