Бу қизиқ! Дана Уайт бугун Ислам Махачевнинг мағлубиятини кутган экан

"Махачев Гэррини назорат қилди ва уни тўлиқ зарарсизлантирди. У жангда ғалаба қозониш учун айнан нима қилиш керак бўлса, шуни қилди. Мен бугунги оқшом сенсация (апсет) бўлади деб ҳисоблагандим, ўйлагандим. Бугун кутилмаган натижа бўлиши мумкинлигини сезгандим. Чунки, ўртага шунча нарса тикилганди — Исламнинг барча рекордлари, Андерсон Сильванинг рекордини янгилашга уриниш. Шундан келиб чиқиб ҳам бугун сенсация бўлса керак деб кутгандим. Йен бунга яқин ҳам келди. Жанг Ислам учун осон кечмаганини ҳамма кўрди", — деди Уайт турнирдан кейинги матбуот анжуманида.

Эслатиб ўтамиз, жанг тўлиқ беш раунд давом этди ва Ислам ҳакамларнинг якдил қарори эвазига ғалаба қозонди. Икки ҳакам — Сал Д`Амато ва Майк Белл — 49-46 ҳисобини Махачев фойдасига қайд этишди. Учинчи ҳакам Эрик Колон эса жангни 48-47 ҳисобида Исламга берди.