27 июн 08:20
Янгиликлар
Будапешт Гран-присида 55 давлат орасида 11-ўринни эгалладик
Дунёнинг 55 давлатидан келган сара дзюдочилар ўртасида ўтказилган нуфузли мусобақада 7 нафар спортчимиз ҳам иштирок этди. Якунда терма жамоамиз 1та кумуш ҳамда 3та бронза медали билан умумжамоа ҳисобида 55 давлат орасида 11-ўринни эгаллади.
Жамоамизга ягона кумуш медални -100 кг вазн тоифасидаги вакилимиз Сойиб Қурбонов келтирди. У финал беллашувида голландиялик Майкл Коррелга имкониятни бой бериб қўйди. Бронза медалларини Гулноза Матниёзова, Ришод Собиров ва Шарофиддин Лутфуллаевлар қўлга киритишди.
Дзюдо ватани ҳисобланган Япония терма жамоаси 4та олтин, 3та кумуш, 2та бронза медали билан умумжамоа ҳисобида биринчи ўринни эгаллади. Кучли учликдан Словения ва Германия терма жамоалари жой олишди.
Эслатиб ўтамиз, Рио Олимпиадасида 8 нафар дзюдочимиз Диёрбек Ўрозбоев, Ришод Собиров, Мирали Шарипов, Шаҳзодбек Собиров, Шерали Жўраев, Сойиб Қурбонов, Абдулло Тангриев ҳамда Гулноза Матниёзовалар иштирок этишади. Олимпия ўйинларининг дзюдо беллашувлари 6-12 август кунлари бўлиб ўтади.
Фикрлар