Бугун 8 нафар курашчимиз Осиё чемпионати медаллари учун курашади

Ушбу қитъа биринчилигида Ўзбекистон терма жамоаси ҳам тўлиқ таркиб билан иштирок этяпти. Қитъанинг 30га яқин давлатидан келган эркин, юнон-рум ва аёллар кураши бўйича спортчилар Осиё чемпионатининг медаллари учун баҳсларга киришишган.

Бугун мусобақанинг иккинчи куни уччала йўналишда ҳам баҳслар ташкил этилади. Юнон-рум кураш вакиллари 54, 58, 63 кг вазн тоифасида, аёллар курашида 43, 46, 49 кг вазнда, эркин курашчилар эса 69 ва 76 кг вазнда гиламга чиқишади.

Бугун юнон-рум курашчиларимиздан Самадбек Ўролов, Муҳаммадқодир Юсупов ва Алижон Хусейновлар ўз имкониятларини синовдан ўтказишади. Эркин кураш баҳсларида эса Шаҳзод Йўлдошев ва Рамазон Каличхоновга мухлислик қиламиз.

Аёллар курашида Гўзал Исломова, Шоҳида Аҳмедова ва Актенге Кеунимжаева Осиё чемпионати медаллари учун баҳсларга киришади. Қитъа чемпионатининг барча ғолиб ва совриндорлари 10 июль куни маълум бўлади.