06 окт 14:44
Янгиликлар
Бокс/ММА
Шара Буллет Исраэль Адесаньяга қарши жанг қилиши мумкин — инсайдер
UFC'нинг ўрта вазн тоифасидаги беллашувларида иштирок этувчи россиялик Шарабутдин Магомедовнинг (Шара Буллет) навбатдаги жанги тафсилотлари маълум.
Шара Буллетнинг кейинги жанги собиқ чемпион Исраэль Адесаньяга қарши ўтиши мумкин. Бу ҳақда X ижтимоий тармоғидаги инсайдер маълум қилди. Манбага кўра, жанг 28 ноябрь куни Саудия Арабистонининг Ар-Риёд шаҳрида ўтказилиши режалаштирилган UFC Fight Night 295 турнири доирасида ташкил этилиши мумкин. Ҳозирча UFC ушбу жангни расман эълон қилгани йўқ.
32 ёшли Магомедов профессионал ММА фаолиятида 17 та ғалаба ва битта мағлубият қайд этган. Унинг 12 та ғалабаси нокаут билан қўлга киритилган. Шара Буллет профессионал ММАдаги фаолиятини 2017 йил декабрида бошлаган. Собиқ UFC чемпиони Адесаньянинг профессионал ММАдаги рекорди эса 24 та ғалаба ва 6 та мағлубиятдан иборат. Унинг 16 та ғалабаси нокаут билан якунланган.
Ҳавола :
Манба : championat.com
Фикрлар