20 сен 07:57
Янгиликлар

Теннис

Бугун Абдураимова дунёнинг 46-ракеткасига қарши кортга чиқади

Россиянинг Санкт-Петербург шаҳрида соврин жамғармаси 100 000 АҚШ долларини ташкил қилувчи мусобақа давом этмоқда.

“Фьючерс” туркумига кирувчи Neva Cup 2017 турнирида мамлакатимизнинг иккинчи ракеткаси Нигина Абдураимова ҳам ўз имкониятини синовдан ўтказяпти. Бугун ҳамюртимиз иккинчи давра учрашувида кортга чиқади. Унинг рақибаси дунёнинг 46-ракеткаси хорватиялик Донна Векич бўлади.

Таққослаш учун, Абдураимова дунё рейтингида 309-поғонадан жой олган. Нигина илк даврада россиялик Полина Лейкинани 6:1, 2:6, 6:3 ҳисобида мағлуб этганди. Векич эса яна бир мезбон теннисчи Вероника Кудерметовадан 7:6(5), 6:7(4), 6:4 ҳисобида устун келганди.