01 дек 08:46
Янгиликлар

Теннис

Бугун Албина Индаурда бош мукофот учун кортга чиқади

Тажрибали теннисчимиз Албина Хабибулина Ҳиндистоннинг Индаур шаҳрида бўлиб ўтаётган мукофот жамғармаси 15 000 АҚШ долларни ташкил қилувчи турнирда иштирок этмоқда.

Жуфтликлар мусобақасида қирғизистонлик Ксения Палкина билан тандем ҳосил қилган Хабибулина турнирнинг биринчи рақамли жуфтлиги сифатида сараланган. Улар бугун бош мукофот учун кортга чиқишади.

Хабибулина ва Палкинанинг рақибалари турнирнинг иккинчи сараланган жуфтлиги - Деа Хердзелас (Босния ва Герцеговиния) ҳамда Чинг Вен Хсу (Хитой Тайпейи) бўлади. Финал учрашувининг бизнинг вақт билан тахминан соат 15:00да бошланиши белгилаб қўйилган.