Бугун Баҳодир Жалолов тарозига, эртага эса рингга кўтарилади ФОТО

Баҳодир фаолиятидаги учинчи жангини Америка вақти билан бугун тунда, бизнинг вақт билан эса эртага тонгда америкалик Тайрел Райтга қарши ўтказади. Олти раундга мўлжалланган жанг Нью-Йорк шаҳридаги машҳур “Madison Square Garden” аренасида бўлиб ўтади.

Маълумот учун, Жалолов шу кунгача проф рингда икки маротаба жанг ўтказиб, уларнинг ҳар иккисида рақибларини нокаут эвазига мағлуб этган. Профессионал боксдаги фаолиятини 2012 йилда бошлаган Райт эса 13 маротаба рингга кўтарилиб, уларнинг 9 тасида ғалаба қозонган ( 6та жангда нокаут эвазига рақибларидан устун келган). Иккита баҳсда имкониятни бой берган. Яна 2 та жангда дурангга эришган.

Эслатиб ўтамиз, Баҳодир Жалолов 29 сентябрь куни мексикалик Эдуардо Вителага қарши жанг ўтказиб, биринчи раунддаёқ рақибини нокаутга учратганди.