Бугун Baku Grand Slam бошланади, дзюдочиларимизнинг рақиблари маълум

Ушбу мусобақада сайёрамизнинг 5 та қитъаси 57 давлатидан жами 449 (266 эркак, 183 аёл) нафар дзюдочи иштирок этяпти. Одатдагидек эркаклар ва аёллар 7 тадан вазн тоифасида баҳсларга киришишади. 

Хабар берганимиздек, Baku Grand Slam 2019 мусобақасида уч нафар ўзбекистонлик дзюдочилар - Муҳиддин Тиловов, Шаҳзод Собиров ва Обидхон Нумонов юртимиз шарафини ҳимоя қилишади. 

Қуръа натижасига кўра, -66 кг вазн тоифасидаги дзюдочимиз Муҳиддин Тиловов биринчи даврада қатарлик Аюб Элидриссига қарши татамига чиқади. Агар ғалаба қозона олса, уни иккинчи босқичда бельгиялик Кеннет Ван Гансбеке кутиб олади. 

-73 кг вазндаги вакилимиз Обидхон Нумонов ўз иштирокини иккинчи даврадан бошлайди. У бу босқичда мезбон спортчи Ҳидаят Хейдаров билан беллашади. 

-90 кг вазн тоифасидаги полвонимиз Шаҳзод Собиров биринчи босқичдан баҳсларга киришади. Унинг илк рақиби британиялик Жамал Петграв бўлади. 

Дзюдочиларимизнинг рақиблари:

-66 кг: Муҳиддин Тиловов - Аюб Элидрисси (Қатар) биринчи босқич

-73 кг: Обидхон Нумонов - Ҳидаят Хейдаров (Озарбайжон) иккинчи босқич

-90 кг: Шаҳзод Собиров - Жамал Петграв (Буюк Британия) биринчи босқич