Бугун Чимёнда бел олиш ва уч кураш бўйича Ўзбекистон чемпионатига старт берилади

Ўзбекистон Республикаси Жисмоний тарбия ва спорт вазирлиги ҳамда Ўзбекистон Бел олиш ва уч кураш ассоциациясининг йиллик тақвим-режасидан жой олган мазкур мамлакат чемпионатида иштирок этиш учун Қорақалпоғистон Республикаси, Тошкент шаҳри ва барча вилоятлардан кўплаб ёш полвонлар Чимёнга етиб келган.

Таъкидлаш жоиз, ушбу мусобақанинг юқори савияда ўтиши учун Фарғона вилоят жисмоний тарбия ва спорт бошқармаси, Фарғона туман жисмоний тарбия ва спорт бўлими, туман 2-БЎСМ Бел олиш ва уч кураш ассоциацияси билан ҳамкорликда тайёргарлик жараёнларига алоҳида эътибор қаратган.

Шунингдек, режага мувофиқ, икки кун давомида Бел олиш ва уч курашнинг яктакли йўналиши бўйича ҳакамлар ва мураббийлар иштирокида ўқув-амалий семинари ўтказилди. 

Мазкур семинарни Бел олиш ва уч кураш ассоциацияси бош котиби Носир Азизов, ассоциация спорт директори Музаффар Абдураҳимов ҳамда бел олиш ва уч кураш бўйича ёшлар ўртасида миллий терма жамоа бош мураббийи Абдуқаҳҳор Эргашевлар олиб боришди.

Биз эса мазкур мусобақа тафсилотлари билан батафсил таништиришга ҳаракат қиламиз.