20 фев 14:17
Янгиликлар

Дзюдо

Бугун Дюссельдорф "Катта Дубулға" турнирига қуръа ташланади

Хабар берганимиздек, 21-23 февраль кунлари Германиянинг Дюссельдорф шаҳрида "Катта Дубулға" туркумига кирувчи нуфузли турнир бўлиб ўтади.

Йилнинг ҳисоб бўйича иккинчи "Катта Дубулға" мусобақасида сайёрамизнинг 5 қитъаси 120 давлатидан жами 718 (427 эркак, 291 аёл) нафар дзюдочи турнир медаллари ҳамда Токио-2020 Олимпиадаси йўлидаги муҳим рейтинг очколари учун татамига чиқади.

Дюссельдорф татамиларида 15 нафар дзюдочимиз юртимиз шарафини ҳимоя қилади. -60, -66, -73, -81 ҳамда +100 кг вазн тоифаларида икки нафардан дзюдочимиз баҳсларга киришади.

Бугун Düsseldorf Grand Slam 2020 турнирига қуръа ташлаш маросими ўтказилади. Эртадан эса беллашувларга старт берилади. Ҳар бир вазн ғолиблари ўз ҳисобларига қимматли 1000 рейтинг очкосини қўшиб қўяди.