27 янв 08:35
Янгиликлар
Теннис
Бугун Файзиев Актобедаги турнирнинг бош мукофоти учун кортга чиқади
Қозоғистоннинг Актобе шаҳрида давом этаётган теннис бўйича “Фьючерс” туркумига кирувчи турнир ўзининг ҳал қилувчи палласига кирди.
Соврин жамғармаси 25 000 АҚШ долларини ташкил қилувчи мусобақада ҳамюртимиз Санжар Файзиев юртимиз спорт шарафини ҳимоя қиляпти. Турнирда олтинчи рақам остида таснифланган Санжар кеча яккалик баҳсларининг чорак финалида мағлубиятга учраганди.
Истеъдодли теннисчимиз турнирнинг биринчи ракеткаси италиялик Лоренцо Густинога 6:4, 6:7, 6:7 ҳисобида имкониятни бой берганди. Шунга қарамай, Файзиев жуфтликлар мусобақасида финалга йўл олди.
Қозоғистонлик Тимур Хабибулин билан жуфтлик ҳосил қилган Санжар ярим финалда голландиялик теннисчилар - Нилс Лутсма ва Ботич Ван Де Зандшулп ҳамкорлигини 7:6(5), 6:3 ҳисобида таслим этди.
Бугун Файзиев ва Хабибулин ҳал қилувчи финал учрашувида украиналик Владислав Манафов ҳамда россиялик Александр Авлюченков жуфтлигига қарши кортга чиқади.
Ҳавола :
Манба : olamsport.com
Фикрлар