09 июн 07:50
Янгиликлар
Теннис
Бугун Файзиев Наманганда финал чиптаси учун кортга чиқади
Наманган шаҳрида ўтказилаётган теннис бўйича “Фьючерс” туркумига кирувчи турнир ўзининг ҳал қилувчи палласига кирди.
Бугун мусобақанинг яккалик баҳсларида ярим финал учрашувлари ўтказилади. Ана шу икки ўйиндан бири ҳамюртимиз иштирокида бўлиб ўтади. Турнирнинг биринчи ракеткаси бўлган Санжар Файзиев финал чиптаси учун кортга чиқади.
Мамлакатимизнинг иккинчи рақамли теннисчиси финал йўлланмаси учун беларуслик Дмитрий Жирмонт билан баҳсга киришади. Жирмонт турнирнинг тўртинчи ракеткаси ҳисобланади.
Маълумот учун, Файзиев кеча чорак финал учрашувида россиялик Маркос Каловелонисни 7:6(3), 7:5, Жирмонт эса мисрлик Юсуф Хоссамни 2:6, 7:5, 6:2 ҳисобида мағлуб этган эди.
Ҳавола :
Манба : olamsport.com
Фикрлар