20 апр 09:15
Янгиликлар
Теннис
Бугун Файзиев ва Исмоилов ярим финалга чиқишга уриниб кўради
Бухоро шаҳридаги “Дилкушо” кортларида теннис бўйича “Фьючерс” туркумига кирувчи турнир давом этмоқда.
Соврин жамғармаси 25 000 АҚШ долларини ташкил қилувчи ушбу мусобақанинг асосий тўрида 12 нафар теннисчимиз ўз иштирокини бошлаганди. Улардан бор йўғи 2 нафари чорак финалга етиб келди.
Ҳамюртларимиздан Санжар Файзиев ва Темур Исмоилов бош мукофот учун курашни давом эттиришяпти. Бугун Исмоилов чорак финал баҳсида турнирнинг биринчи ракеткаси, қозоғистонлик Дмитрий Попкога қарши кортга чиқади.
Мусобақа ғолиблиги учун асосий даъвогарлардан бири Санжар Файзиев эса украиналик Вадим Урсу билан ҳисоб-китоб қилади. Файзиев турнирнинг олтинчи ракеткаси сифатида ҳаракат қиляпти.
Ҳавола :
Манба : olamsport.com
Фикрлар