Бугун "Ҳумо" "Номад"га қарши финал сериясидаги иккинчи ўйинини ўтказади

Хоккей бўйича Тошкентнинг "Ҳумо" жамоаси бугун Қозоғистон Очиқ чемпионати финал босқичи доирасида "Номад"га қарши иккинчи уй ўйинида музга чиқади.

"Қанотлилар"нинг бугунги учрашуви соат 19:00 да, пойтахтимиздаги "Ҳумо Арена"да бошланади.

Кеча жамоамиз илк ўйинда 0:2 ҳисобида ортда бораётиб, 3:2 ҳисобида овертаймда ғалабани ўз томонига оғдира олган эди. Финал доирасидаги ўйинлар серияси тўрттадан еттитагача давом этиши мумкин.

"Ҳумо"нинг бугунги учрашуви YouTube платформасидаги InSportTV канали орқали трансляция қилинади.