19 июл 09:29
Янгиликлар

Теннис

Бугун Ҳумоюн ўзидан 368 поғона юқоридаги рақибга қарши кортга чиқади

Қозоғистоннинг Астана шаҳрида теннис бўйича “Челленжер” туркумига кирувчи турнир давом этмоқда.

Соврин жамғармаси 125 000 АҚШ долларини ташкил қилувчи ушбу мусобақада истеъдодли теннисчимиз Ҳумоюн Султонов ҳам иштирок этяпти. Бугун ҳамюртимиз 1/8 финал учрашувида австриялик Себастьян Оффнерга қарши кортга чиқади.

Султонов илк даврада яна бир ҳамюртимиз Фаррух Дўстовни 6:4, 6:2 ҳисобида мағлуб этганди. Турнирнинг учинчи ракеткаси бўлган Оффнер эса қозоғистонлик Темур Хабибулиндан 7:5, 6:1 ҳисобида устун келганди. Ҳумоюн саралаш турнирида иккита ғалабага эришиб, асосий тўрга йўлланма олган эди.

Таққослаш учун, Ҳумоюн Султонов дунё рейтингида 575, Себастьян Оффнер эса 207-ўринни эгаллаб турибди. Теннисчилар шу кунгача ўзаро тўқнаш келишмаган. Султонов - Оффнер баҳси бизнинг вақт билан соат 11:30да бошланиши белгилаб қўйилган.