29 июл 09:19
Янгиликлар
Теннис
Бугун Истомин Австрия турнирининг асосий тўрига чиқиш учун уриниб кўради
Мамлакатимизнинг биринчи ракеткаси Денис Истомин Австриянинг Китцбюэль шаҳрида давом этаётган ATP-250 турнирининг саралаш баҳсларида ўз имкониятини синовдан ўтказмоқда.
Ҳамюртимиз саралашнинг биринчи ракеткаси сифатида қайд этилган. Денис саралашнинг ярим финалида франциялик Эллиот Бенчетритни икки сетда ортиқча қийинчиликсиз мағлуб этган эди. Бугун Истомин асосий тўрга йўлланма берувчи учрашувда бразилиялик Тьяго Монтейрога қарши кортга чиқади.
Таққослаш учун, Истомин дунё рейтингида 90-ўринни эгаллаб турибди. Монтейро эса 146-поғонадан жой олган. Икки теннисчи шу кунгача ўзаро учрашувларда тўқнаш келишмаган. Монтейро кеча 118-ракетка аргентиналик Гвидо Андреоццини 3:6, 6:4, 7:5 ҳисобида таслим этганди. Истомин -Монтейро учрашуви бизнинг вақт билан соат 16:00да бошланиши белгилаб қўйилган.
Ҳавола :
Манба : olamsport.com
Фикрлар