28 июл 09:48
Янгиликлар

Теннис

Бугун Истомин Австриядаги турнир саралашида кортга чиқади

Мамлакатимизнинг биринчи ракеткаси Денис Истомин бугундан Австриянинг Китцбюэль шаҳрида саралаш баҳслари старт оладиган ATP -250 турнирида иштирок этади.

Ҳамюртимиз ўз иштирокини айнан саралаш бахсларидан бошлайди. Истомин саралашнинг биринчи ракеткаси сифатида қайд этилган. Дениснинг илк рақиби франциялик Эллиот Бенчетрит бўлади. Саралашнинг ушбу ярим финал баҳси бизнинг вақт билан соат 15:30да бошланиши белгилаб қўйилган.

Таққослаш учун, Эллиот дунё рейтингида 289, Истомин эса 90-ўринни эгаллаб турибди. Икки теннисчи шу кунгача ўзаро учрашувларда тўқнаш келишмаган. Агар Денис Эллиотни мағлуб этса, финал саралаш раундида Монтейро - Андреоцци жуфтлиги ғолибига қарши кортга чиқади.