26 окт 09:15
Янгиликлар
Теннис
Бугун Истомин Будапештда Брандсга қарши кортга чиқади
Бугун мамлакатимизнинг биринчи ракеткаси Денис Истомин Венгриянинг Будапешт шаҳрида давом этаётган турнирдаги иштирокини бошлайди.
“Челленжер” туркумига кирувчи ушбу мусобақанинг мукофот жамғармаси 64 минг еврони ташкил қилади. Бугун ҳамюртимиз илк даврада Даниэль Брандсга қарши кортга чиқади.
Германиялик бу ракетка устаси дунё рейтингида 148-ўринни эгаллаб турибди. Истомин эса 144-поғонадан жой олган. Денис Будапешт турнирининг еттинчи ракеткаси ҳисобланади. Ҳамюртимиз жуфтликлар мусобақасида иштирок этмайди.
Мазкур турнир ғолиби 9 200 евро мукофот пули ҳамда 100 рейтинг очкосига эга бўлади. Финалчи 5 400 евро ҳамда 60 рейтинг очкосини ўз ҳисобига қўшиб қўяди.
Ҳавола :
Манба : olamsport.com
Фикрлар