Бугун Истомин Истбурнда “Ролан Гаррос” ярим финалчисига қарши кортга чиқади

Ушбу босқичда теннисчимизга италиялик Марко Чеккинато рақиблик қилади. Дунё рейтингида 31-ўринни эгаллаб турган Марко Истбурн турнирининг 4-ракеткаси ҳисобланади. У яқинда “Ролан Гаррос” мусобақасида ярим финалга қадар етиб бориб, катта шов-шув сабабчисига айланганди.

Денис Истомин ва Марко Чеккинато ўртасидаги баҳс Тошкент вақти билан соат 15:00да бошланиши белгилаб қўйилган. Теннисчилар шу кунгача ҳали ўзаро учрашувларда тўқнаш келишмаган. 

Эслатиб ўтамиз, жаҳон рейтингида 91-ўринни эгаллаб турган ҳамюртимиз Истбурн турнирининг илк даврасида 43-поғонадан жой олган яна бир италиялик ракетка устаси Андреас Сеппини 2 соату 30 дақиқа давом этган ўйинда 6:3, 6:7, 7:6 ҳисобида мағлуб этганди.