16 окт 09:31
Янгиликлар

Теннис

Бугун Истомин Kremlin Cup саралашида кортга чиқади

18-24 октябрь кунлари Россия Федерациясининг Москва шаҳрида теннис бўйича нуфузли ATP турнирининг асосий тўр баҳслари бошланади.

Мукофот жамғармаси 779,515 долларни ташкил қилувчи мусобақада ҳамюртимиз Денис Истомин ҳам ўз омадини синаб кўради. Мамлакатимизнинг биринчи ракеткаси бугун старт оладиган саралаш турнирида кортга чиқади. Унинг рақиби австриялик Юрий Родионов бўлади.

Таққослаш учун, Истомин айни пайтда ATP рейтингида 224, Родионов эса 142-ўринни эгаллаб турибди. Теннисчилар 2020 йилнинг 29 февраль куни АҚШдаги "Челленжер" турнирининг ярим финалида ўзаро тўқнаш келишган ва ўшанда Денис рақибини 6/3, 7/6(1) ҳисобида мағлуб этганди. Истомин - Родионов баҳси Тошкент вақти билан соат 13:30да бошланади.