07 май 10:30
Янгиликлар
Теннис
Бугун Истомин Мадридда асосий тўр чиптаси учун кортга чиқади
Мамлакатимизнинг биринчи ракеткаси Денис Истомин Испания пойтахти Мадрид шаҳрида старт олган “Мастерс” сериясига кирувчи нуфузли турнирнинг саралаш баҳсларида иштирок этяпти.
Турнирнинг соврин жамғармаси 6 408 230 долларни ташкил қилади. Ҳамюртимиз кеча саралашнинг илк босқичида мезбонлар вакили Иниго Сервантесни 7:6, 6:3 ҳисобида мағлуб этганди.
Бугун Истомин асосий тўрга йўлланма берувчи иккинчи давра учрашувида кортга чиқади. Унинг рақиби америкалик Жаред Дональдсон бўлади. Учрашув Тошкент вақти билан тахминан соат 15.30да бошланади. Теннисчилар ўзаро илк бор тўқнаш келишади.
Таққослаш учун, Истомин дунё рейтингида 74, Дональдсон эса 79-ўринни эгаллаб турибди. Денис охирги ўтказган 5та учрашувида 4тасида мағлуб бўлган, Жаред эса 5та баҳсдан 3тасида зафар қучган.
Ҳавола :
Манба : olamsport.com
Фикрлар