21 май 12:43
Янгиликлар

Теннис

Бугун Истомин ўйнайди, ғалаба қозонса кейинги рақиб Вавринка бўлади

Ўзбекистоннинг биринчи ракеткаси Денис Истомин бугун Женевадаги турнирда ўз иштирокини бошлайди.

Илк даврада ҳамюртимизга америкалик Жаред Дональдсон рақиблик қилади. Ушбу ўйин бугун Тошкент вақти билан соат 15:00да бошланади.

Маълумот учун, бугун эълон қилинган янги рейтингда Истомин 98, Дональдсон эса 57-ўриндан жой олди. Томонлар бунгача уч маротаба кортда тўқнаш келганлар ва уларнинг барчасида Денис Истоминнинг қўли баланд келган.

Бугунги учрашув ғолиби иккинчи даврада мусобақанинг амалдаги ғолиби, швейцариялик Стэн Вавринкага қарши кортга чиқади.