10 фев 10:31
Янгиликлар

Теннис

Бугун Истомин Роттердамдаги турнир саралашида кортга чиқади

Бугун мамлакатимизнинг биринчи ракеткаси Денис Истомин Голландиянинг Роттердам шаҳрида старт оладиган нуфузли турнирнинг саралаш баҳсларидаги иштирокини бошлайди.

Мусобақанинг соврин жамғармаси деярли 2 миллион еврони ташкил қилади. Ҳамюртимиз қуръа натижасига кўра саралашнинг биринчи босқичида бельгиялик Рубен Бемельмансга қарши кортга чиқади. Бу учрашув Тошкент вақти билан соат 15:00да бошланиши белгилаб қўйилган.

Таққослаш учун, Денис Истомин дунё рейтингида 74, Бемельманс эса 121-ўринни эгаллаб турибди. Теннисчилар шу кунгача ўзаро тўқнаш келишмаган. Бу баҳс ғолиби финал раундида голландиялик Ван Рейтховен ва италиялик Томас Фаббиано жуфтлиги ғолибига қарши кортга чиқади.