15 сен 10:25
Янгиликлар

Теннис

Бугун Истомин Туркияда чорак финал баҳсини ўтказади

Мамлакатимизнинг биринчи ракеткаси Денис Истомин Туркиянинг Истанбул шаҳри мезбонлик қилаётган “Челленжер” туркумига кирувчи турнирда муваффақиятли одимлаяпти.

Соврин жамғармаси 75 000 долларни ташкил қилувчи мусобақада иккинчи рақам остида ҳаракат қилаётган ҳамюртимиз бугун чорак финал учрашувида кортга чиқади. Унинг рақиби қозоғистонлик Александр Бублик бўлади.

Маълумот учун, Денис Истомин дунё рейтингида 87, Бублик эса 101-ўринни эгаллаб турибди. Теннисчилар бунгача ўзаро тўқнаш келишмаган. Учрашув бизнинг вақт билан тахминан 15:30да бошланиши режалаштирилган.