Бугун Истомин ярим финал чиптаси учун кортга чиқади

Хабар берганимиздек, ушбу нуфузли мусобақада ҳамюртимиз Денис Истомин ҳам муваффақиятли тарзда иштирок этяпти. Мамлакатимизнинг биринчи рақамли теннисчиси кеча 2 соату 11 дақиқа давом иккинчи давра баҳсида турнирнинг иккинчи ракеткаси германиялик Филип Кольшрайберни 5:7, 6:3, 6:1 ҳисобида мағлуб этганди.

Бугун Истомин чорак финал учрашувида яна бир германиялик теннисчи Максимилян Мартерерга қарши кортга чиқади. Истомин - Мартерер баҳси Тошкент вақти билан соат 16:00да бошланиши белгилаб қўйилган. 

Таққослаш учун, Денис жаҳон рейтингида 95, Максимилян эса 47-ўринни эгаллаб турибди. Теннисчилар шу кунгача ўзаро икки бор тўқнаш келишган. Учрашувларнинг бирида ҳамюртимиз, иккинчисида эса германиялик теннисчининг қўли баланд келган.