Бугун Жаҳон чемпионатининг расмий маросимлари бошланади

Колумбияда бўлиб ўтадиган мундиалда Ўзбекистон миллий терма жамоаси ҳам иштирок этади. Терма жамоамиз делегацияси бироз аввал Колумбиянинг Кали шаҳрига етиб бордилар. Бу ҳақида Ўзбекистон футзал Ассоциацияси матбуот хизмати хабар бермоқда.

Ўзбекистон терма жамоаси делегацияси Кали шаҳридаги “Интерконтиненталь” меҳмонхонасига жойлашди. Ушбу меҳмонхонада “A” гуруҳининг қолган жамоалари ҳам истиқомат қилишади.

Шунингдек, маълумотда келтиришлишича бугун мундиалнинг расмий маросимлари бошланади. Ўзбекистон терма жамоасининг делегацияси ФИФА ҳодимлари билан учрашиб мусобақага оид расмий маълумотларни олишади.

Эслатиб ўтамиз, футзал бўйича Жаҳон чемпионати 10 сентябрдан 1 октябрга қадар Колумбияда бўлиб ўтади. Унда Жаҳоннинг энг кучли 24 терма жамоаси иштирок этади. Осиё вице-чемпиони – Ўзбекистон “А” гуруҳидан ўрин олган бўлиб, унга гуруҳ босқичида Португалия, Колумбия ва Панама терма жамоалари рақиб бўлади.