09 апр 08:23
Янгиликлар

Дзюдо

Бугун жамоавий баҳслар ўтказилади. Биринчи босқичдаги рақиб - Туркманистон!

Қирғизистон пойтахти Бишкек шаҳрида дзюдо бўйича катталар ўртасидаги Осиё-Океания чемпионати давом этмоқда.

Бугун жамоавий баҳслар ўтказилади ва унда 6 та иштирокчи давлат терма жамоалари медаллар учун курашга киришади. Ўзбекистон терма жамоаси биринчи даврада туркманистонлик дзюдочиларга қарши татамига чиқади. Ушбу жуфтликни кейинги босқичда Жанубий Корея терма жамоаси кутиб турибди.

Хитой Корея сингари тўғридан-тўғри иккинчи даврадан баҳсларга қўшилади. Иккинчи жуфтликда Қирғизистон ва Қозоғистон терма жамоалари рўбарў келади.

Маълумот учун, жамоавий баҳсларда дзюдочилар (эркаклар ва аёллар) +70, +90, -57, -73, -70 ҳамда -90 кг вазн тоифаларида ўзаро беллашадилар.