13 июн 12:26
Янгиликлар

Дзюдо

Бугун жамоавий баҳслар ўтказилади: Ўзбекистон - Венгрия!

Бугун Венгрия пойтахти Будапешт шаҳри мезбонлигида ўтаётган катталар ўртасидаги жаҳон чемпионатининг сўнгги куни.

Бугунги дастурдан жамоавий беллашувлар ўрин олган бўлиб, унда Ўзбекистон терма жамоаси ҳам иштирок этади. Жамоавий микст баҳсларида жами 15 та давлат терма жамоалари медаллар учун татамига чиқади.

Қуръа натижасига кўра, Илиас Илиадис ва Нелля Киямова бошчилигидаги Ўзбекистон терма жамоаси мезбонлар - венгриялик дзюдочиларга қарши баҳс олиб боришади. Венгерларга қарши беллашувларда Обидхон Номонов (-73 кг), Шермуҳаммад Жандриев (-90 кг), Музаффарбек Тўрабоев (+90 кг), Шукуржон Аминова (-57 кг), Гулноза Матниязова (-70 кг) ва Рината Илматова (+70 кг)га мухлислик қиламиз.