10 авг 09:59
Янгиликлар

Теннис

Бугун Жўрабек финал чиптаси учун кортга чиқади

Беларусь пойтахти Минск шаҳрида теннис бўйича “Фьючерс” туркумига кирувчи турнир бўлиб ўтмоқда.

Соврин жамғармаси 15 000 АҚШ долларини ташкил қилувчи ушбу мусобақада ҳамюртимиз Жўрабек Каримов ҳам муваффақиятли тарзда иштирок этяпти. Кеча теннисчимиз чорак финал учрашувида грузиялик Георге Цивадзени 6:1, 2:6, 6:4 ҳисобида мағлуб этганди.

Бугун мусобақанинг учинчи рақамли иштирокчиси бўлган Жўрабек финал чиптаси учун кортга чиқади. Унинг рақиби исроиллик Игорь Смилански бўлади. Турнирда бешинчии рақам остида ҳаракат қилаётган Смилански кеча чорак финалда беларуслик Иван Лютаревичдан 6:4, 6:1 ҳисобида устун келган эди.