19 окт 07:55
Янгиликлар

Теннис

Бугун Жўрабек Малайзияда ҳинд теннисчисига қарши кортга чиқади

Истеъдодли теннисчимиз Жўрабек Каримов Малайзиянинг Кучинг шаҳри мезбонлик қилаётган “Фьючерс” туркумига кирувчи турнирда иштирок этяпти.

Бугун ҳамюртимиз соврин жамғармаси 15 000 долларни ташкил қилувчи мусобақанинг яккалик баҳслари иккинчи давра учрашувида кортга чиқади. Унинг рақиби ҳиндистонлик Сураж Прабодх бўлади.

Саралаш баҳслари орқали асосий тўрга етиб келган Сураж кеча илк босқичда турнирнинг еттинчи ракеткаси япониялик Кен Онишини 6:3, 6:4 ҳисобида мағлуб этишнинг уддасидан чиққанди. Жўрабек эса россиялик Александр Мальцевга ҳеч қандай имконият қолдирмаганди - 6:1, 6:1.