11 авг 08:28
Янгиликлар

Теннис

Бугун Жўрабек Минск турнири бош соврини учун кортга чиқади

Беларусь пойтахти Минск шаҳрида ўтказилаётган теннис бўйича “Фьючерс” туркумига кирувчи турнир ўзининг ҳал қилувчи палласига кирди.

Соврин жамғармаси 15 000 АҚШ долларини ташкил қилувчи ушбу мусобақада ҳамюртимиз Жўрабек Каримов ҳам муваффақиятли тарзда иштирок этяпти. Кеча теннисчимиз ярим финал учрашувида исроиллик Игорь Смиланскини 1:6, 6:2, 6:3 ҳисобида мағлуб этганди.

Бугун мусобақанинг учинчи рақамли иштирокчиси бўлган Жўрабек финал учрашувида кортга чиқади. Унинг рақиби британиялик Жонатан Грей бўлади. Йигирма бир ёшли Грей дунё рейтингида 607, 20 ёшли Каримов эса 491-ўринни эгаллаб турибди.