07 авг 09:19
Янгиликлар

Теннис

Бугун Каримов ва Шофайзиев иштирокларини бошлашади

Хабар берганимиздек, Беларусь пойтахти Минск шаҳрида теннис бўйича “Фьючерс” туркумига кирувчи турнир бўлиб ўтмоқда.

Соврин жамғармаси 15 000 АҚШ долларини ташкил қилувчи ушбу мусобақада икки ҳамюртимиз - Жўрабек Каримов ва Шониғмат Шофайзиев ҳам иштирок этяпти. Жўрабек ўз иштирокини тўғридан-тўғри асосий тўрдан бошлайди. Шофайзиев саралаш мусобақасидаги муваффақиятли иштироки сабаб бундай имкониятга эга бўлди.

Бугун ҳар икки теннисчимиз ҳам биринчи давра учрашувида кортга чиқишади. Учинчи рақам остида таснифлангани Жўрабек Каримов латвиялик Артурс Лаздинс, Шофайзиев эса еттинчи рақам остида таснифланган туркиялик Анил Юксел билан муносабатларига ойдинлик киритиб олади.