17 май 12:32
Янгиликлар

Таэквондо

Бугун медаль кутаётганимиз Рафалович ҳамда яна икки таэквондочимиз даянга чиқади

Буюк Британиянинг Манчестер шаҳрида таэквондонинг олимпия оиласига мансуб WT йўналиши бўйича Жаҳон чемпионати давом этмоқда.

Бугун Токио Олимпиадасига муҳим ва қимматли рейтинг очколарини бериши билан аҳамиятли бўлган нуфузли мусобақада уч нафар таэквондочимиз даянга чиқади. Улар орасида жаҳон чемпионати медалига даъвогар Никита Рафалович ҳам бор.

-74 кг вазн тоифасида юртимиз шарафини ҳимоя қилувчи вакилимиз иккинчи даврадан баҳсларга киришади. Бу босқичда у Бенин ва кипрлик спортчилар баҳси ғолиби билан тўқнаш келади.

Шунингдек, бугун Осиё ўйинлари кумуш медали совриндори Мадинабону Маннопова (-49 кг) индонезиялик Оқила Рамадан, -57 кг вазндаги Зария Қосимова сенегаллик Бинета Дидиу билан ҳисоб-китоб қилади. Ҳар икки қизимиз илк даврада даянга чиқишади.