30 авг 08:19
Янгиликлар

Дзюдо

Бугун Мустақиллигимизнинг 29 йиллигига бағишланган онлайн мусобақа ўтказилади

Бугун Ўзбекистон дзюдо федерацияси томонидан мамлакатимиз Мустақиллигининг 29 йиллигига бағишланган онлайн мусобақа ташкил этилади.

Унда катталар терма жамоаси аъзолари ўзаро баҳсга киришишади. Дзюдо бошқа яккакураш спорт турлари сингари икки курашчининг гиламдаги беллашувидан иборат.

Шуни инобатга олган ҳолда ҳакамларимиз бугунги онлайн мусобақага махсус машқлар тўпламини тақдим этишган. Дзюдочиларимиз ана шу машқлар асосида мусобақада иштирок этишади. Ҳакамларимиз эса якунда ғолиб ва совриндорлар номини аниқлаб беришади.

Фурсатдан фойдаланиб, бугунги онлайн мусобақада қатнашадиган барча спортчиларимизга омад ёр бўлишини тилаймиз.