15 сен 09:06
Янгиликлар

Теннис

Бугун Нигина Батумида турнирнинг 1-ракеткасига қарши кортга чиқади

Мамлакатимизнинг иккинчи ракеткаси Нигина Абдураимова Грузиянинг Батуми шаҳрида ўтказилаётган “Фьючерс” туркумига кирувчи турнирда иштирок этяпти.

Мусобақанинг соврин жамғармаси 25 000 АҚШ долларини ташкил қилади. Бугун ҳамюртимиз ярим финалда турнирнинг биринчи ракеткаси, словакиялик Виктория Кузьмовага қарши кортга чиқади.

Таққослаш учун, 23 ёшли Абдураимова дунё рейтингида 284, 19 ёшли Кузьмова эса 131-ўринни эгаллаб турибди. Нигина илк даврада турнирнинг учинчи ракеткаси россиялик Полина Моновани 6:2, 6:4, иккинчи босқичда яна бир россиялик теннисчи Яна Сизиковани 6:7(4), 6:2, 6:2, чорак финалда россиялик Полина Лейкинани 6:2, 6:1 ҳисобида мағлуб этганди.