02 июн 11:15
Янгиликлар

Теннис

Бугун Омонмуродова финал йўлланмаси учун кортга чиқади

Андижон шаҳрида ўтказилаётган “Фьючерс” туркумига кирувчи хотин-қиз теннисчилар ўртасидаги турнир ўзининг ҳал қилувчи палласига кирди.

Соврин жамғармаси 25 000 АҚШ долларини ташкил қилувчи ушбу мусобақанинг яккалик баҳсларида бугун ярим финал учрашувлари ўтказилади.

Чорак финалга етиб келган ягона вакиламиз Оқгул Омонмуродова кеча грузиялик Марьям Болквадзени 6:3, 6:7, 6:3 ҳисобида мағлуб этганди. Бугун тажрибали теннисчимиз финал чиптаси учун россиялик Анастасия Фроловага қарши кортга чиқади.