Бугун Саидъало Доҳада асосий тўр чиптаси учун кортга чиқади

“Фьючерс” туркумига кирувчи ушбу мусобақанинг саралаш баҳсларида икки теннисчимиз ҳам ўз имкониятини синовдан ўтказаётган эди. Улардан бири Саидаъло Саидкаримов бугун асосий тўрга йўлланма берувчи учрашувда кортга чиқади.

Саидкаримов саралашдаги иштирокини иккинчи босқичдан бошлади. У бу даврада швейцариялик Брайан Бенчични 3:6, 6:3, 7:6(4) ҳисобида мағлуб этди. Бугун теннисчимиз асосий тўрга йўлланма берувчи баҳсда швейцариялик Эндрю Рупплига қарши кортга чиқади. 

Яна бир ҳамюртимиз Сардор Пўлатов эса саралашнинг илк даврасидаёқ швейцариялик Себастьян Ментага 6:7(3), 6:7(2) ҳисобида имкониятни бой бериб қўйди. Иккала сет ҳам тай-брекка қадар давом этди.