26 июн 09:35
Янгиликлар

Теннис

Бугун Саидаъло Қозонда асосий тўрга чиқишга уриниб кўради

Истеъдодли теннисчимиз Саидаъло Саидкаримов Россиянинг Қозон шаҳри мезбонлик қилаётган “Фьючерс” турнирида иштирок этяпти.

Мусобақанинг соврин жамғармаси 15 000 АҚШ долларини ташкил қилади. Ҳамюртимиз ўз иштирокини саралаш баҳсларидан бошлади. Саралаш турнирининг 10-ракеткаси бўлган Саидаъло бугун асосий тўрга йўлланма берувчи финал учрашувида кортга чиқади.

Унинг рақиби саралашнинг саккизинчи рақамли теннисчиси россиялик Артур Шахнубарян бўлади. Саидкаримов саралашни иккинчи босқичдан бошлади ва россиялик Сергей Лисовни 6:7(3), 6:3, 6:4 ҳисобида мағлуб этди.