25 окт 10:50
Янгиликлар

Теннис

Бугун Шарипова чорак финал чиптаси учун кортга чиқади

Туркиянинг Истамбул шаҳрида теннис бўйича “Фьючерс” туркумига кирувчи турнирнинг асосий тўр баҳслари давом этмоқда.

Соврин жамғармаси 25 000 долларни ташкил этувчи мусобақада ҳамюртимиз Сабина Шарипова ҳам муваффақиятли иштирок этяпти. Мамлакатимизнинг биринчи, турнирнинг эса иккинчи ракеткаси бўлган Сабина илк даврада сербиялик Наталья Костични мағлуб этганди.

Бугун у чорак финал чиптаси учун руминиялик Жоржиана Ралука Сербанга қарши кортга чиқади. 20 ёшли Сербан дунё рейтингида 336-ўринни эгаллаб турибди. 23 ёшли Сабина эса 180-поғонадан жой олган.