25 ноя 08:22
Янгиликлар

Теннис

Бугун Шарипова Мумбайда финал чиптаси учун кортга чиқади

Мамлакатимизнинг биринчи рақамли теннисчиси Сабина Шарипова Ҳиндистоннинг Мумбай шаҳрида ўтказилаётган турнирда муваффақиятли тарзда иштирок этяпти.

Бугун ҳамюртимиз “Челленжер” туркумига кирувчи, соврин жамғармаси 125 000 долларни ташкил қилувчи ушбу мусобақанинг ярим финалида кортга чиқади. Унинг рақибаси словениялик Далила Якупович бўлади.

Маълумот учун, Якупович айни пайтда дунё рейтингида 252, Шарипова эса 186-ўринни эгаллаб турибди. Бугунги баҳс бизнинг вақт билан соат 15:30да бошланади.