24 ноя 07:55
Янгиликлар

Теннис

Бугун Шарипова Мумбайда ярим финал чиптаси учун кортга чиқади

Мамлакатимизнинг биринчи рақамли теннисчиси Сабина Шарипова Ҳиндистоннинг Мумбай шаҳрида ўтказилаётган турнирда муваффақиятли тарзда иштирок этяпти.

Бугун ҳамюртимиз “Челленжер” туркумига кирувчи, соврин жамғармаси 125 000 долларни ташкил қилувчи ушбу мусобақанинг чорак финалида кортга чиқади. Унинг рақибаси турнирнинг учинчи ракеткаси бельгиялик Янина Викмайер бўлади.

Маълумот учун, 28 ёшли Янина ўз вақтида дунёнинг 12-ракеткасига айланган эди. Викмайер айни пайтда дунё рейтингида 115, Шарипова эса 186-ўринни эгаллаб турибди. Бугунги баҳс бизнинг вақт билан соат 17:30да бошланади.