12 мар 07:51
Янгиликлар

Теннис

Бугун Шарипова Хитойдаги турнирнинг асосий тўрига чиқишга уриниб кўради

Мамлакатимизнинг биринчи ракеткаси Сабина Шарипова Хитойнинг Шеньжэнь шаҳрида ўтказилаётган турнирда иштирок этяпти.

Мусобақанинг соврин жамғармаси 60 000 АҚШ долларини ташкил қилади. Ҳамюртимиз ўз иштирокини саралаш баҳсларидан бошлади ва бугун бир неча дақиқадан сўнг асосий тўр йўлланмаси учун кортга чиқади.

Саралаш турнирининг олтинчи ракеткаси ҳисобланган Сабинанинг рақибаси германиялик Сара-Ребекка Секулич бўлади. Шарипова саралашнинг дастлабки икки босқичида хитойлик теннисчилар Жикси Луни 6:0, 6:1, Сун Хи Люни 6:7(3:7), 6:3, 6:2 ҳисобида таслим этаганди.