Бугун теннисчиларимиз FedCup мусобақасида ўйин ўтказадилар

6-10 февраль кунлари Баҳрайнда ўтказиладиган иккинчи гуруҳ ўйинларида ҳамюртларимиз ўз рақиблари номини билиб олишди. Қуръа натижаларига кўра, Ўзбекистон терма жамоаси "А" гуруҳида Ливан ва Янги Зеландия терма жамоаларига қарши баҳс олиб борадиган бўлди. 

Терма жамоа сардори Ирода Тўлаганова мазкур баҳсларга қуйидаги спортчиларни жалб қилган:

Сабина Шарипова

Нигина Абдураимова

Оқгул Омонмуродова

Ясмина Каримжонова.

Бугун қизларимиз гуруҳдаги илк ўйинда ливанлик рақибларига қарши ўйин ўтказадилар.

Биринчи бўлиб, энг ёш теннисчимиз Ясмина Каримжонова рақибларнинг биринчи рақамли теннисчисига қарши ўйин ўтказса, кейин Сабина Шарипова рақибларнинг иккинчи рақамли теннисчисига қарши кортга чиқади. Куннинг учинчи баҳсида Оқгул Омонмуродова/Нигина Абдураимова тандеми жуфтлик баҳсларида иштирок этади.