Бугун тонгда ўтказилган UFC Fight Night 245 турнирининг барча натижалари битта саҳифада

Оқшомнинг марказий жанги ўрта вазн тоифасида америкалик Энтони Эрнандес ҳамда бразилиялик Мишель Перейра ўртасида ўтказилди. Биринчи раунд Перейра устунлигида ўтди. Кейинги беш дақиқаликларда Эрнандес октагонда доминантлик қилди. Бешинчи раунднинг ўрталарида рефери Херб Дин жангни тўхтатишга мажбур бўлди. Энтони рақибини техник нокаутга учратди. 

Co main-event жангида ўта енгил вазн тоифаси UFC рейтингида ўнинчи ўринни эгаллаб турган америкалик Роб Фонт кетма-кет икки мағлубиятдан сўнг ғалаба қозонди. У ҳакамларнинг якдил қарори билан ватандоши Кайлер Филлипсни мағлуб этди.

Қозоғистонлик Асу Алмабаев эса UFC промоушенида қаторига тўртинчи ғалабасини тантана қилди. Бу сафар у рейтингнинг еттинчи поғонасидан жой олган бразилиялик Матеус Николауни очколар ҳисобига кўра енгди. Панамалик аёл UFC жангчиси Жоселин Эдвардс учинчи раундда бразилиялик Тамирес Видални бўғиб қўйди.

UFC Fight Night 245 турнирининг барча натижалари

Прелим кард жанглари:

Остен Лэйн Робелис Деспаньени очколар бўйича ютди (29-28, 29-28, 29-28);

Мелисса Мартинез Алиса Арделеандан очколар бўйича устун келди (30-27, 30-27, 30-27);

Элис Рид Жессика Пенни очколар бўйича мағлуб этди (29-28, 29-28, 29-28);

Жозелин Эдвардс учинчи раундда Тамирес Видални бўғиб қўйди (4:33);

Жан Мацумото Брэд Катонни мағлубиятга учратди (29-28, 29-28, 29-28);

Асу Алмабаев Матеус Николауни таслим этди (29-28, 29-28, 29-28).

Асосий кард жанглари:

Даррен Элкинс Дэниель Пинедани ҳакамларнинг якдил қарори билан ютди (29-28, 29-28, 29-28);

Камерон Смазерман Жейк Хадлидан устунлигини исботлади (30-26, 29-27, 29-27);

Чарльс Жонсон Су Мудаэржидан устун келди (29-28, 29-28, 29-28);

Роб Фонт Кайлер Филлипсни таслим этди (29-28, 29-28, 29-28).

Оқшомнинг асосий жанги:

Энтони Эрнандез бешинчи раундда Мишель Перейрани техник нокаутга учратди (2:22).